આ કાર્યક્રમમાં ધારાસભ્ય પ્રકાશભાઇ વરમોરા પણ ઉપસ્થિત રહ્યા હતા. કાર્યક્રમ દરમિયાન, સીટી પોલીસ દ્વારા સાયબર ક્રાઇમ અવેરનેસ, ઓનલાઈન છેતરપિંડીથી બચવાના ઉપાયો, ટ્રાફિક અવેરનેસ, માર્ગ સલામતી, અકસ્માત નિવારણ, શી-ટીમની કામગીરી અને મહિલા સુરક્ષા જેવા અનેક મહત્વપૂર્ણ વિષયો પર વિસ્તૃત ચર્ચા કરવામાં આવી હતી. પોલીસ દ્વારા ડ્રગ્સ નિવારણ અંગેના કાર્યક્રમો વિશે પણ માહિતી આપવામાં આવી હતી.
આ પ્રસંગે પાલિકા પ્રમુખ કુલદીપસિંહ ઝાલા, ચીફ ઓફિસર મંટીલકુમાર પટેલ, પીએસઆઇ વી.એમ.વાઘેલા, પીએસઆઇ એ.કે.વાઘેલા સહિતના મહાનુભાવો ઉપસ્થિત રહ્યા હતા. કાર્યક્રમના અંતે, સુધરાઈ સભ્યો અને આગેવાનો દ્વારા રજૂઆતો સાંભળવામાં આવી હતી, જેનાથી પોલીસ અને સ્થાનિક નેતાઓ વચ્ચે વધુ સુમેળ સ્થાપિત થયો હતો.
