સરકારના વિકાસ સંકલ્પ હેઠળ આ માર્ગોનું નવીનીકરણ થવાથી ગ્રામજનોને અત્યાધુનિક પરિવહન સુવિધા ઉપલબ્ધ થશે જે માત્ર કનેક્ટિવિટી જ નહીં પરંતુ સમગ્ર વિસ્તારના સર્વાંગી વિકાસને પણ વેગ આપશે. સરળ અને સુવિધાજનક માર્ગોને કારણે આર્થિક પ્રવૃત્તિઓ અને સામાજિક ગતિવિધિઓમાં વધારો થશે જેના પરિણામે સમગ્ર પંથકનો વિકાસ થશે. આ પ્રસંગે સ્થાનિક નેતાઓ અને મોટી સંખ્યામાં ગ્રામજનો ઉપસ્થિત રહ્યા હતા. તેમણે સરકારના આ વિકાસલક્ષી પગલાંને આવકારીને આનંદ વ્યક્ત કર્યો હતો. આ નવા માર્ગોનો લાભ ભીમોરા, પિયાવા અને હીરાસર સહિત આસપાસના અનેક ગામોના લોકોને મળશે.
