આ મુહિમ હેઠળ, તા. ૦૧/૧૧/૨૦૨૫ ના રોજ પેરોલ ફર્લો સ્કવોડની ટીમે હ્યુમન અને ટેકનિકલ સોર્સીસનો ઉપયોગ કરી પાણશીણા પો.સ્ટે. ગુ.ર.નં-૦૦૪૧/૨૦૨૫, BNS કલમ-૩૦૩(૨) મુજબના ચોરીના ગુન્હામાં છેલ્લા છ માસથી નાસતા ફરતા આરોપીની સચોટ બાતમી મેળવી હતી.
ટીમની સઘન કામગીરીના અંતે, આરોપી બાબુભાઇ કાનાભાઇ સાપરા (હાલ રહે. સનાથળ ચોકડી પાસે, ઠાકોર વાસ, અમદાવાદ, મૂળ રહે. પરનાળા, તા-લીંબડી, જી-સુરેન્દ્રનગર) ને પરનાળા ગામ બસ સ્ટેન્ડ પાસેથી ઝડપી પાડવામાં આવ્યો હતો. કાયદેસરની કાર્યવાહી બાદ આરોપીનો કબ્જો પાણશીણા પોલીસ સ્ટેશનને સોંપવામાં આવ્યો છે. આ સફળ કામગીરીમાં PSI એન.એ. રાયમા, HC દશરથભાઇ ધનશ્યામભાઇ અને PC ભરતભાઇ અરજણભાઇ સહિતના રોકાયેલ હતી.
