હવામહેલ, જે ગુજરાતની સાંસ્કૃતિક અને ઐતિહાસિક ધરોહરનું પ્રતીક છે, તેને તિરંગાની રોશનીની સજાવટથી ખૂબસૂરત બનાવવામાં આવ્યો છે. આ સાથે, ધોળીપોળ ગેટ પણ રાષ્ટ્રધ્વજના રંગોમાં ઝળહળી રહ્યું છે, જે નાગરિકોમાં દેશભક્તિની ભાવના જગાવે છે. આ બંને સ્થળો પર ખાસ રોશનીની વ્યવસ્થા અને તિરંગાની ઝાંખીથી આઝાદીનો ઉત્સવ વધુ યાદગાર બની રહ્યો છે.
સુરેન્દ્રનગર મ્યુનિસિપલ કોર્પોરેશન(SNMC) દ્વારા આ અભિયાન હેઠળ શહેરના તમામ વોર્ડમાં તિરંગાનું વિતરણ કરાશે, જેથી દરેક ઘરમાં રાષ્ટ્રધ્વજ લહેરાય. આ ઉપરાંત, સ્વતંત્રતા દિવસની ઉજવણીને લઈને શહેરમાં તિરંગા યાત્રાનું પણ આયોજન કરવામાં આવ્યું છે.
આ અભિયાનનો ઉદ્દેશ્ય નાગરિકોમાં રાષ્ટ્રધ્વજ પ્રત્યે ગર્વ અને સન્માનની ભાવના જગાવવાનો છે. હવામહેલ અને ધોળીપોળ ગેટનો આ ભવ્ય નજારો નિહાળવા લાયક છે, જે આઝાદીના આ ઉત્સવને વધુ ખાસ બનાવે છે.
