આ બસ સેવા શરૂ કરાવવામાં આદરીયાણા ગામના રાજુભાઈ પંડ્યા, રામભાઈ રથવી, અને નિવૃત્ત ગ્રામસેવક ભવાનભાઈ રથવીનો મહત્વનો ફાળો રહ્યો છે, જેમણે આ માટે વારંવાર રજૂઆતો કરી હતી. ધારાસભ્ય પી.કે. પરમારે પણ વાહનવ્યવહાર મંત્રી હર્ષ સંઘવીને રૂબરૂ મળીને આ માગણી રજૂ કરી હતી.
આ શુભ પ્રસંગે, બસના ડ્રાઇવર અને કંડક્ટરનું શાલ ઓઢાડીને સન્માન કરવામાં આવ્યું હતું. તાલુકા ભાજપ સંગઠન ઉપાધ્યક્ષ નરેશભાઈ દેસાઈએ જણાવ્યું હતું કે, આ નવી બસનું સ્વાગત કરવા માટે આગેવાનો અને ગ્રામજનોએ ઉત્સાહ દર્શાવ્યો હતો. તેમણે ધારાસભ્ય, વિરમગામ ડેપો મેનેજર, અને તંત્રનો આ લોકાભિમુખ કાર્ય માટે આભાર વ્યક્ત કર્યો હતો. આ કાર્યક્રમમાં રામભાઈ રથવી, રામભાઈ ચાવડા, ખેંગારભાઈ ડોડીયા, જેસંગભાઈ ચાવડા, નરેશભાઈ રબારી, હાર્દિકભાઈ સિંધવ, ભાવેશભાઈ રાઠોડ જેવા અનેક આગેવાનો અને ગામના નાગરિકો ઉપસ્થિત રહ્યા હતા.
