ગુજરાતના મુખ્યમંત્રી શ્રી ભૂપેન્દ્રભાઈ પટેલ દ્વારા રાજ્યમાં ગ્રીન કવર અને વૃક્ષારોપણને વેગ આપવા માટે ૭૬માં વન મહોત્સવનો પ્રારંભ કરવામાં આવ્યો છે. ત્યારે આ પહેલને આગળ ધપાવતા, લોકોને પર્યાવરણ પ્રત્યે જાગૃત કરવાનો અને સુરેન્દ્રનગર જિલ્લાને વધુ હરિયાળો ઉદેશ્ય સાથે ઉપસ્થિત મહાનુભાવોનાં હસ્તે વૃક્ષારોપણ કરાશે. આ કાર્યક્રમમાં અતિથિ વિશેષ તરીકે નાયબ મુખ્ય દંડક શ્રી જગદીશભાઈ મકવાણા, સર્વે ધારાસભ્ય શ્રી કિરીટસિંહ રાણા, શ્રી શામજીભાઈ ચૌહાણ, શ્રી પ્રકાશભાઈ વરમોરા, શ્રી પરષોતમભાઈ પરમાર, વરિષ્ઠ વન અધિકારી તરીકે નળ સરોવર પક્ષી અભયારણ્ય નાયબ વન સંરક્ષક શ્રી સક્કિરા બેગમ સહિતના મહાનુભાવો ઉપસ્થિત રહેશે.
