બનાવની જાણવા મળતી વિગત મુજબ પોલીસને મળેલી બાતમીના આધારે સુરેન્દ્રનગર અને રતનપર વિસ્તારમાં આવેલા ત્રણ અલગ-અલગ પાન પાર્લર પર તપાસ હાથ ધરવામાં આવી હતી. જેમાં રાજ પાન પાર્લર (મયુરનગર-૨): રાજુભાઇ ઇશ્વરભાઈ રંગાડીયા, ડિલક્ષ પાન પાર્લર (રતનપર): ધરમશીભાઇ ગોવિંદભાઇ આલ, સ્મોક લાઇટ પાન પાર્લર (રતનપર બાયપાસ): અશ્વિનભાઈ ધનશ્યામભાઈ કાલીયા આ ત્રણેય સ્થળોએથી પોલીસને અલગ-અલગ ફ્લેવરના કુલ ૩૩૫ નંગ સ્મોકિંગ કોન/સ્ટીક (કિંમત અંદાજે રૂ.૩૩૫૦) મળી આવ્યા હતા
સરકારના જાહેરનામાનો ભંગ કરવા બદલ આ ત્રણેય ઈસમો વિરૂધ્ધ સુરેન્દ્રનગર સીટી 'એ' ડિવિઝન અને જોરાવરનગર પોલીસ સ્ટેશનમાં કુલ ૩ ગુનાઓ દાખલ કરવામાં આવ્યા છે. પોલીસ દ્વારા તમામ મુદ્દામાલ જપ્ત કરી આગળની તપાસ હાથ ધરવામાં આવી છે.
આ કામગીરીમાં એસ.ઓ.જી. પીઆઈ. બી.એચ. શીંગરખીયા, પી.એસ.આઈ. એન.એ. રાયમા, આર.જે. ગોહિલ તથા અનિરૂધ્ધસિંહ ઝાલા, અશ્વિનભાઈ, મીતભાઈ, સાહીલભાઈ અને ડ્રાઈવર અશ્વિનભાઈ સહિતના સ્ટાફ જોડાયા હતા.
