યાત્રા વઢવાણ ગેબનશાહ સર્કલ ખાતે પહોંચી ત્યારે ડો. બાબાસાહેબ આંબેડકરની પ્રતિમાને પુષ્પાંજલિ અર્પણ કરી આગળ વધી હતી. ત્યાર બાદ, સુરેન્દ્રનગર ખાતે પહોંચતા આ યાત્રાનું ઉમળકાભેર સ્વાગત કરવામાં આવ્યું હતું. ભક્તિ નંદન સર્કલ ખાતે આવેલ સરદાર વલ્લભભાઈ પટેલની પ્રતિમાને ફૂલહાર અને પુષ્પાંજલિ અર્પણ કરી શ્રદ્ધાંજલિ આપવામાં આવી હતી.
આ પ્રસંગે રાજ્ય સરકારના મુખ્ય આગેવાનો તેમજ વઢવાણ વિધાનસભાના ધારાસભ્ય જગદીશભાઈ મકવાણા, સાંસદ સભ્ય ચંદુભાઈ, અને મોટી સંખ્યામાં નાગરિકો ઉપસ્થિત રહ્યા હતા. આ યાત્રા યાત્રા ગુજરાતના ૧૮ જિલ્લા, ૬૨ તાલુકા અને ૩૫૫ ગામોમાંથી પસાર થઈને ૨૨ સપ્ટેમ્બરના રોજ સોમનાથ ખાતે પૂર્ણ થશે, જ્યાં સરદારના અખંડ ભારતના સપનાને ફરીથી યાદ કરવામાં આવશે.
