પેન્શન અને પેન્શનરોના કલ્યાણ વિભાગ (DoPPW) પેન્શન નીતિમાં સુધારા અને પેન્શન સંબંધિત પ્રક્રિયાઓને ડિજિટાઇઝ કરવામાં મોખરે રહ્યું છે. જેમાં મુખ્ય પગલામાં PNB, SBI, બેંક ઓફ બરોડા અને અન્ય નવ મુખ્ય બેંકોના પેન્શન પોર્ટલનું એકીકરણ છે, જેનાથી એક જ પોર્ટલ દ્વારા પેન્શન સેવાઓની સરળ ઍક્સેસ શક્ય બને છે. પેન્શન વિતરણ સત્તાવાળાઓ તરીકે બેંકોની મહત્વપૂર્ણ ભૂમિકાને ઓળખીને, DoPPW એ સેન્ટ્રલ પેન્શન પ્રોસેસિંગ સેન્ટર્સ (CPPCs) અને ફિલ્ડ સ્ટાફ માટે માળખાગત જાગૃતિ વર્કશોપની શ્રેણી શરૂ કરી છે. જેથી ખાતરી કરી શકાય કે તેઓ નિયમો, પ્રક્રિયાઓ અને તાજેતરના સુધારાઓથી સારી રીતે વાકેફ છે, જેનાથી પેન્શન વિતરણની સમયસરતા અને ચોકસાઈમાં સુધારો થાય છે.અમદાવાદના કાર્યક્રમોમાં પેન્શનર પોર્ટલ, CCS પેન્શન નિયમો, ફેમિલી પેન્શન, કમ્યુટેશન, CPENGRMs ફરિયાદ નિવારણ, ડિજિટલ લાઇફ સર્ટિફિકેટ જનરેશન અને NRI પેન્શનરો માટે સેવાઓ પર સત્રો યોજાશે. સાયબર સુરક્ષા અને ડિજિટલ સાક્ષરતા અને CGHS લાભો પર વિશેષ ધ્યાન કેન્દ્રિત કરવામાં આવશે અને સહભાગીઓને માર્ગદર્શન આપવા માટે વિષય નિષ્ણાતોને આમંત્રિત કરવામાં આવશે.આ કાર્યક્રમમાં શ્રી પ્રદીપ કુમાર (પશ્ચિમ રેલવે), શ્રી ધ્રુબજ્યોતિ સેનગુપ્તા (DOPPW), ડૉ. રાજેશ પ્રસાદ (PNB) અને શ્રી ઉન્નીકૃષ્ણન (CGPA) સહિત વરિષ્ઠ મહાનુભાવો સંબોધિત કરશે. 250થી વધુ પેન્શનરો અને લગભગ 80 બેંક અધિકારીઓ ભાગ લે તેવી અપેક્ષા છે.
આ વાર્તાલાપનો હેતુ જાગૃતિ વધારવા, ફરિયાદો ઘટાડવા અને ભવિષ્યની ડિજિટલ પહેલ વિકસાવવા માટે મૂલ્યવાન પ્રતિસાદ મેળવવાનો છે. આ કાર્યક્રમ પેન્શનરોને સશક્ત બનાવવા, પ્રક્રિયાઓને સુવ્યવસ્થિત કરવા અને પ્રતિભાવશીલ અને પારદર્શક સેવા વિતરણ સુનિશ્ચિત કરવા માટે ભારત સરકારની પ્રતિબદ્ધતાને રેખાંકિત કરે છે.
