આ અવસરે, મંડળીના સભાસદોએ એકસુરે પોસ્ટકાર્ડ લખીને માનનીય પ્રધાનમંત્રીશ્રીને તેમના સહકાર ક્ષેત્રના વિકાસ માટેના પ્રયાસો અને ખેડૂતો તથા પશુપાલકોના કલ્યાણ માટેના અથાગ પ્રયત્નો બદલ આભાર માન્યો હતો.
સભાસદોએ પોસ્ટકાર્ડમાં નોંધ્યું હતું કે, સહકાર મંત્રાલયની સ્થાપનાથી ગ્રામીણ અર્થતંત્રને મજબૂતી મળી છે. વળી, GST સુધારાઓએ વેપાર અને ઉદ્યોગોને વધુ સરળ અને પારદર્શી બનાવ્યા છે. આ ઉપરાંત, સ્વદેશી ચળવળે ગામડાઓમાં સ્થાનિક ઉત્પાદનોને પ્રોત્સાહન આપીને આત્મનિર્ભર ભારતના સ્વપ્નને સાકાર કરવામાં મહત્ત્વનું યોગદાન આપ્યું છે.
શ્રી રાજ સીતાપુર દૂધ ઉત્પાદક સહકારી મંડળી લિમિટેડના સભાસદોએ આ પોસ્ટકાર્ડ ઝુંબેશ દ્વારા માનનીય પ્રધાનમંત્રીશ્રીના દૂરંદેશી નેતૃત્વ અને રાષ્ટ્રના ગ્રામીણ વિકાસ માટેના સતત પ્રયાસોની સરાહના કરી છે. સભાસદોએ આશા વ્યક્ત કરી કે આવા પ્રયાસો ભવિષ્યમાં પણ ગ્રામીણ ભારતને સશક્ત અને સમૃદ્ધ બનાવવામાં મદદરૂપ થશે.
