મુળીના ખંપાળીયા પ્રાથમિક શાળામાં વન્યપ્રાણી સપ્તાહની ઉજવણી કરવામાં આવી

ખંપાળીયા પ્રાથમિક શાળામાં વન્યપ્રાણી સપ્તાહની ઉજવણી કરવામાં આવી હતી. આ કાર્યક્રમ શ્રી ડૉ. તુષાર પટેલ, ડી.સી.એફ. સુરેન્દ્રનગરના હુકમ હેઠળ અને શ્રી જી.વી.ગાગડીયા આર.એફ.ઓ. મુળીના માર્ગદર્શન હેઠળ રાઉન્ડ ફોરેસ્ટર ગઢડા શ્રી દાનુભા ગોહિલ તથા વન રક્ષક શ્રી ડી.જી.પરમાર અને શ્રી એમ.એલ.સાકરીયા સાથે યોજાયો હતો. કાર્યક્રમ અંતર્ગત શાળામાં વક્તૃત્વ સ્પર્ધાનું આયોજન કરવામાં આવ્યું હતું, 

જેમાં વિદ્યાર્થીઓએ ઉત્સાહભેર ભાગ લીધો હતો. શાળાના આચાર્યશ્રીએ વન્યજીવન વિશે માર્ગદર્શન આપ્યું હતું, જ્યારે શ્રી દાનુભા ગોહિલ દ્વારા વન્યપ્રાણીઓનું મહત્વ, તેમનું રહેઠાણ, રક્ષણ અને સંવર્ધન માટેની માહિતી આપવામાં આવી હતી. તેમણે વન્યપ્રાણીઓના રક્ષણ માટે લાગુ કાયદાકીય જોગવાઈઓ અંગે પણ સમજણ આપી હતી. વક્તૃત્વ સ્પર્ધામાં પ્રથમ તથા દ્વિતીય સ્થાન મેળવનાર વિદ્યાર્થીઓને ઇનામો આપવામાં આવ્યા હતા અને શિક્ષકોને સન્માનિત કરવામાં આવ્યા હતા. અંતે વિદ્યાર્થીઓને ચોકલેટ વિતરણ કરીને કાર્યક્રમનું સમાપન કરવામાં આવ્યું હતું.