અધિકારીઓએ સ્થળ પરથી ગેરકાયદેસર ખનન માટે ઉપયોગમાં લેવાતા ચાર કાર્બોસેલના લાઇન કુવાઓ (ખાડાઓ) ને જપ્ત કર્યા છે. જ્યારે દરોડા દરમિયાન ૪ (ચાર) કાર્બોસેલના લાઇન કુવાઓ (ખાડાઓ) ૨ (બે) ટ્રેકટર ૧ (એક) કમ્પ્રેસર ૧ (એક) જનરેટર, ૧ (એક) ડિઝલ મશીન, ૪૦૦૦ મીટર વીજળીનો કેબલ, ૨૦૦૦ મીટર પાણીની પાઇપલાઇન ૧૦ બકેટ, ૩ ટ્રાન્સફરમર (ઇલેક્ટ્રીક ટી.સી.) સહિતની સામગ્રી કબજે કરવામાં આવી છે.
આ ગેરકાયદેસર પ્રવૃત્તિના સ્થળે આશરે ૩૫ મજૂરોને રહેવા માટેના કામચલાઉ કુબાઓ બનાવવામાં આવ્યા હતા. આ કુબાઓમાં રહેતા ૫૦ થી ૬૦ મજૂરો ને અધિકારીઓએ આવી જોખમી અને ગેરકાયદેસર પ્રવૃત્તિ ન કરવા માટે સમજાવ્યા હતા. જ્યારે મજૂરોને તે સ્થળેથી સુરક્ષિત રીતે હટાવવાની કામગીરી ચાલી રહી છે.
વધુમાં વીજળીના કેબલ કેબલ આશરે બે થી ત્રણ કિલોમીટર ચાલી તપાસ કરતા ત્રણ ટ્રાન્સફરમર ( ઇલેક્ટ્રિક ટી. સી.) સંતાડેલ હાલતમાં મળી આવેલ છે જેની કિંમત આશરે ૭,૦૦,૦૦૦નો મુદ્દામાલ જપ્ત કર્યો છે.
નાયબ કલેકટરની ટીમે આ ગેરકાયદેસર ખનન પ્રવૃત્તિમાં સંકળાયેલા ઇસમો સામે કડક કાર્યવાહી શરૂ કરી છે. તેમની સામે ગુજરાત ખનિજ (ગેરકાયદે ખનન, પરિવહન અને સંગ્રહ અટકાવવાના નિયમો), ૨૦૧૭) મુજબ નિયમોનુસાર કાર્યવાહી હાથ ધરવામાં આવી છે.
