સુરેન્દ્રનગર જિલ્લા પોલીસ અધિક્ષકશ્રી પ્રેમસુખ ડેલૂ સાહેબ (IPS) ની સૂચનાથી જિલ્લામાં પ્રોહી-જુગારની બદી નાબૂદ કરવા માટે ખાસ ઝુંબેશ ચલાવવામાં આવી રહી છે. જે અંતર્ગત, એલ.સી.બી.ના પોલીસ ઇન્સ્પેકટરશ્રી જે.જે.જાડેજા, પોલીસ સબ ઇન્સ્પેકટર જે.વાય.પઠાણ અને પેરોલ ફર્લો સ્કોડના I/C પોલીસ સબ ઇન્સ્પેક્ટર એન.એ.રાયમાના માર્ગદર્શન હેઠળ એલ.સી.બી.ની ટીમે ખાસ પેટ્રોલીંગ હાથ ધર્યું હતું.
પેટ્રોલીંગ દરમિયાન મળેલી ચોક્કસ બાતમીના આધારે, એલ.સી.બી. ટીમે ધ્રાંગધ્રા તાલુકા પોલીસ સ્ટેશન વિસ્તારના રામપરા ગામની સીમમાં આરોપી મયુરસિંહ અખુભા ઝાલાની કબજા ભોગવટાની વાડીએ દરોડો પાડ્યો હતો. આ રેઇડમાં ગેરકાયદેસર દેશી દારૂ બનાવવાની ભઠ્ઠી ઝડપી પાડવામાં આવી હતી.
પોલીસે સ્થળ પરથી દેશી દારૂ બનાવવાનો આથો (વોસ) ૧૫૦૦ લીટર (કિંમત રૂ. ૩૭,૫૦૦), તૈયાર દેશી દારૂ ૧૬૫ લીટર (કિંમત રૂ. ૩૩,૦૦૦), દારૂ ગાળવા માટે ઉપયોગમાં લેવાતી ભઠ્ઠી નંગ-૨, કુકણીયા મોટર સાથે નંગ-૨, બેટરી નંગ-૧ અને ઇલેક્ટ્રીક મોટર સહિત કુલ રૂ. ૭૮,૫૦૦નો મુદ્દામાલ કબજે કર્યો હતો. જોકે, આરોપી મયુરસિંહ અખુભા ઝાલા પકડવાનો બાકી છે. એલ.સી.બી. દ્વારા પકડાયેલા મુદ્દામાલ સાથે આરોપી વિરુદ્ધ ધ્રાંગધ્રા તાલુકા પોલીસ સ્ટેશનમાં પ્રોહીબીશન ધારા મુજબ ગુન્હો રજીસ્ટર કરાવી આગળની કાયદેસરની કાર્યવાહી હાથ ધરવામાં આવેલ છે.
આ કામગીરી એલ.સી.બી.ના પોલીસ ઇન્સ્પેક્ટર જે.જે.જાડેજા, પોલીસ સબ ઇન્સ્પેકટર જે.વાય.પઠાણ, પેરોલ ફર્લો સ્કોડ I/C પોલીસ સબ ઇન્સ્પેકટરશ્રી એન.એ.રાથમા, એ.એસ.આઇ. અસલમખાન મલેક, પો.હેડ કોન્સ. દશરથભાઈ ઘાંઘર, અને પો.કોન્સ. સંજયભાઈ પાઠક દ્વારા આ સફળ કામગીરી કરવામાં આવેલ છે.
