આ મુહિમ અંતર્ગત પેરોલ ફર્લો સ્કવોડના પી.એસ.આઇ. એન.એ.રાયમા અને તેમની ટીમે હ્યુમન તેમજ ટેકનિકલ સોર્સિસનો અસરકારક ઉપયોગ કરીને મહત્વની સફળતા મેળવી છે. તા. ૦૩/૧૨/૨૦૨૫ના રોજ પો.હેડ.કોન્સ. દેવરાજભાઇ મગનભાઇને મળેલી સચોટ બાતમીના આધારે, ધજાળા પોલીસ સ્ટેશનના ગુ.ર.નં. ૨૨૦/૨૦૨૫, જેમાં બળજબરીથી કઢાવી લેવા (BNS કલમ-૩૦૮(૩), ૩૫૧(૨), ૩પર, ૩૫૪) અને ગુજરાત નાણા ધીરધાર અધિનિયમ કલમ-૪૦/૪૨ હેઠળના ગુનાનો સમાવેશ થાય છે, તેમાં છેલ્લા ત્રણ માસથી નાસતા ફરતા આરોપીને ઝડપી લેવામાં આવ્યો છે. ઝડપાયેલ આરોપીમા અમીતભાઇ વશરામભાઇ પરમારરહે.સાયલા વણકરવાસ, તા-સાયલા, જી-સુરેન્દ્રનગરઆરોપી અમીતભાઇ વશરામભાઇ પરમારને આટકોટ બાબરા સર્કલ પાસેથી હસ્તગત કરીને કાયદેસરની કાર્યવાહી કરવામાં આવી હતી અને તેને વધુ તપાસ માટે ધજાળા પોલીસ સ્ટેશનને સોંપવામાં આવ્યો હતો. આ સફળ કામગીરીમાં પી.આઇ. જે.જે.જાડેજા, પી.એસ.આઇ. એન.એ.રાયમા, પી.એસ.આઇ. શ્રી જે.વાય પઠાણ અને હેડ કોન્સ્ટેબલ દેવરાજભાઇ મગનભાઇ સહિતની ટીમે મહત્ત્વની ભૂમિકા ભજવી હતી.
