આ સાધારણ સભાનો મુખ્ય ઉદ્દેશ પશુપાલકોના વારસદારોને મરણોત્તર સહાયના ચેકનું વિતરણ કરવાનો હતો. જે ડેરીની સામાજિક જવાબદારી અને પશુપાલકો પ્રત્યેની પ્રતિબદ્ધતા દર્શાવે છે. આ સહાય ચેકનું વિતરણ ગુજરાત વિધાનસભાના નાયબ મુખ્ય દંડક અને ધારાસભ્ય જગદીશભાઈ મકવાણા, પૂર્વ કેબિનેટ મંત્રી અને ધારાસભ્ય કિરીટસિંહજી રાણા, જીલ્લા ભાજપ પ્રમુખ હિતેન્દ્રસિંહ ચૌહાણ, ડેરીના ચેરમેન નરેશભાઈ મારૂ અને પૂર્વ ચેરમેન બાબાભાઈ ભરવાડ જેવા મહાનુભાવોના હસ્તે કરવામાં આવ્યું હતું.
કાર્યક્રમમાં ઉપસ્થિત તમામ અગ્રણીઓએ સુરસાગર ડેરીની પ્રગતિ અને પશુપાલકોના ઉત્કર્ષ માટે ચાલી રહેલા પ્રયાસોને બિરદાવ્યા હતા. તેમણે સહકાર અને સંગઠનની ભાવનાથી ડેરીને વધુ ઊંચાઈ પર લઈ જવાની વાત કરી હતી. જેમાં તેમને ડેરીના વિકાસની પ્રવૃત્તિઓથી અવગત કરાવી અને તેમની સાથે સીધો સંવાદ સ્થાપિત કરવામાં આવ્યો હતો.
