આ કાર્યક્રમનો સૌથી મહત્વપૂર્ણ ભાગ દેશના માનનીય વડાપ્રધાન શ્રી નરેન્દ્રભાઇ દ્વારા વારાણસી ખાતેથી કરવામાં આવેલું કિસાન સન્માન નિધિ ઉત્સવનું જીવંત પ્રસારણ હતું. આ પ્રસારણ દરમિયાન, વડાપ્રધાને દેશના 9.7 કરોડથી વધુ ખેડૂતોના ખાતામાં પીએમ કિસાન સન્માન નિધિના 20માં હપ્તા સ્વરૂપે કુલ ₹20,500 કરોડની માતબર રકમનું વિતરણ કર્યું. આ ભંડોળ સીધા ખેડૂતોના બેંક ખાતામાં જમા થતાં તેમને આર્થિક રીતે મોટી રાહત મળી છે.
પાટડી APMC ખાતે ઉપસ્થિત તમામ ખેડૂતોએ ગાંધીનગર ખાતેથી આ કાર્યક્રમનું જીવંત પ્રસારણ નિહાળ્યું હતું. આ કાર્યક્રમમાં ઉપસ્થિત મહાનુભાવોએ ખેડૂતોને સંબોધતા જણાવ્યું હતું કે સરકાર ખેડૂતોના કલ્યાણ માટે પ્રતિબદ્ધ છે અને ભવિષ્યમાં પણ આવી જ રીતે નવી નવી યોજનાઓ લાવતી રહેશે. આ કાર્યક્રમ ખેડૂતો અને સરકાર વચ્ચેના મજબૂત સંબંધોનું પ્રતીક બન્યો હતો.
