જીલ્લા વિકાસ અધિકારીએ શાળાના વિદ્યાર્થીઓ દ્વારા તૈયાર કરવામાં આવેલા વિવિધ અને સુંદર પ્રોજેક્ટ્સને રસપૂર્વક નિહાળ્યા હતા. તેમણે દરેક પ્રોજેક્ટની ઝીણવટભરી વિગતો મેળવી અને બાળકો સાથે સીધો સંવાદ સાધ્યો હતો. તેમણે બાળકો પાસેથી પ્રોજેક્ટનું મહત્વ અને તે પાછળ રહેલા વૈજ્ઞાનિક સિદ્ધાંતો વિશે જાણકારી મેળવી.
જિલ્લા વિકાસ અધિકારીશ્રીએ બાળકોના આ પ્રયાસોની ખૂબ પ્રશંસા કરી અને તેમના જ્ઞાન અને કૌશલ્યને બિરદાવ્યા હતા. તેમણે જણાવ્યું હતું કે આવા વિજ્ઞાન મેળા બાળકોમાં વૈજ્ઞાનિક દ્રષ્ટિકોણ કેળવવા અને તેમની સર્જનાત્મકતાને બહાર લાવવા માટે અત્યંત જરૂરી છે.
તેમણે તમામ બાળકોને ભવિષ્યમાં પણ આવા જ ઉત્સાહ સાથે કામ કરતા રહેવા માટે પ્રોત્સાહન આપ્યું હતું. શાળાના શિક્ષકો અને આચાર્યશ્રીએ પણ DDO શ્રી યાજ્ઞિકનો આભાર વ્યક્ત કર્યો હતો કે તેમણે પોતાનો કિંમતી સમય કાઢીને બાળકોનો ઉત્સાહ વધાર્યો. આ મુલાકાતથી શાળાના વિદ્યાર્થીઓ અને શિક્ષકોમાં એક નવો ઉત્સાહ જોવા મળ્યો હતો.
