આ પેટ્રોલીંગ દરમિયાન મળેલી બાતમીના આધારે, ધ્રાંગધ્રા કલ્પના ચોકડી પાસે અમદાવાદ-કચ્છ હાઈવે પરથી એક સફેદ કલરની ક્રેટા કાર (રજી.નં. GJ-31-N-3020) ને અટકાવી તલાશી લેવામાં આવી હતી. તલાશી દરમિયાન, કારમાંથી ભારતીય બનાવટના વિદેશી દારૂની અલગ-અલગ બ્રાન્ડની કુલ 1096 બોટલો, જેની કિંમત રૂ.4,13,200 થાય છે, અને 364 બીયર ટીન, જેની કિંમત ₹58,080/- થાય છે, મળી આવ્યા હતા. આમ, કુલ રૂ.4,71,280/મનો દારૂ અને ₹5,00,000ની કિંમતની ક્રેટા કાર મળીને કુલ રૂ.9,71,280નો મુદ્દામાલ જપ્ત કરવામાં આવ્યો હતો.
આ મામલે, LCB ટીમે ક્રેટા કારના ચાલક વિરુદ્ધ ધ્રાંગધ્રા તાલુકા પોલીસ સ્ટેશનમાં પ્રોહીબીશન એક્ટ હેઠળ ગુનો દાખલ કર્યો છે. પોલીસે દારૂ અને કાર કબજે કરી વધુ તપાસ હાથ ધરી છે. આ કામગીરીમાં LCB ટીમના પો.હેડ.કોન્સ. યશપાલસિંહ રાઠોડ, દશરથભાઈ ઘાંઘર, પો.કોન્સ. પ્રતાપસિંહ રાઠોડ, સંજયભાઈ પાઠક, મેહુલભાઈ મકવાણા અને વિજયસિંહ રાઓલ સહિતના કર્મચારીઓ જોડાયા હતા.
