આ ઓપરેશન દરમિયાન, પેટ્રોલિંગ દરમિયાન મળેલી બાતમીના આધારે, ધજાળા પોલીસ સ્ટેશન વિસ્તારના ગરાંભડી ગામમાં એક પ્રોહી-બુટલેગરના પડતર મકાન પર દરોડો પાડવામાં આવ્યો હતો. આ દરોડામાં, ગેરકાયદેસર રીતે રાખવામાં આવેલ ભારતીય બનાવટના વિદેશી દારૂની નાની-મોટી ૧૫૭૦ બોટલો, જેની કિંમત રૂ. ૮,૪૧,૦૦૦ છે, અને ૮૬૪ બિયર ટીન, જેની કિંમત રૂ. ૨,૦૮,૦૮૦/- છે, મળી કુલ રૂ. ૧૦,૪૯,૦૮૦નો જંગી જથ્થો જપ્ત કરવામાં આવ્યો હતો.
આ મામલે પોલીસે આરોપી રામજીભાઈ વિભાભાઈ સરવૈયા, રહે. ગરાંભડી, તા.સાયલા, જી.સુરેન્દ્રનગર સામે પ્રોહિબિશન એક્ટ હેઠળ ગુનો દાખલ કરી કાયદેસરની કાર્યવાહી હાથ ધરી છે.
આ કામગીરી કરનાર ટીમમાં એલ.સી.બી.ના પોલીસ ઇન્સપેકટર જે.જે.જાડેજા, પો.સબ.ઇન્સ. જે.વાય.પઠાણ, પેરોલ ફર્લો સ્કોડના પો.સબ.ઇન્સ.શ્રી આર.એચ.ઝાલા અને અન્ય સ્ટાફના સભ્યો પ્રવિણભાઈ કોલા, વજાભાઈ સાનીયા, કુલદીપભાઈ બોરીયા અને મેહુલભાઈ મકવાણા સામેલ હતા.
