આ કાર્યવાહીના ભાગરૂપે, લોકલ ક્રાઈમ બ્રાન્ચ (LCB) સુરેન્દ્રનગર દ્વારા સાયલા પોલીસ સ્ટેશન વિસ્તારના બે ઈસમો, પ્રદીપભાઈ ઉર્ફે પદુભાઈ નટવરભાઈ પરમાર (ઉ.વ. ૩૨) અને જીતેન્દ્ર ઉર્ફે જીતુ નટવરભાઈ પરમાર (ઉ.વ. ૪૨) વિરુદ્ધ પાસા હેઠળ દરખાસ્તો તૈયાર કરવામાં આવી હતી. આ બંને ઈસમો મારામારી, લેન્ડ ગ્રેબિંગ અને જુગારનો અખાડો ચલાવવાની ગેરકાયદેસર પ્રવૃત્તિઓમાં સંકળાયેલા હતા.
જિલ્લા મેજિસ્ટ્રેટ દ્વારા પાસા વોરન્ટ ઇસ્યુ કરવામાં આવ્યા બાદ, એલ.સી.બી અને સાયલા પોલીસની ટીમે આ બંને આરોપીઓની અટકાયત કરી હતી. પાસા વોરન્ટની બજવણી બાદ, પ્રદીપભાઈ ઉર્ફે પદુભાઈ પરમારને પાલારા, ભુજ જેલમાં અને જીતેન્દ્ર ઉર્ફે જીતુ પરમારને મધ્યસ્થ જેલ, વડોદરા ખાતે મોકલી દેવામાં આવ્યા છે.
આ કાર્યવાહી દર્શાવે છે કે સુરેન્દ્રનગર પોલીસ દ્વારા જિલ્લામાં ગુનાહિત અને અસામાજિક પ્રવૃત્તિઓ કરતા ઈસમોને કડક હાથે ડામી દેવા માટે કડક પગલાં લેવામાં આવી રહ્યા છે.
