આ યોજનાનો મુખ્ય ઉદ્દેશ્ય મહિલાઓને રોજગારીની તકો પૂરી પાડી તેમને આર્થિક રીતે પગભર બનાવવાનો છે. એપ્રિલ-૨૦૨૫થી શરૂ થયેલી આ કામગીરી દ્વારા સ્વ-સહાય જૂથોની બહેનોને નિયમિત આવકનો સ્ત્રોત મળ્યો છે, જે તેમના પરિવારની આર્થિક સ્થિતિ સુધારવામાં મદદરૂપ થશે.
મહાનગરપાલિકાના આ પ્રયાસથી શહેરના બે મુખ્ય ગાર્ડન્સની સ્વચ્છતા અને જાળવણી સુનિશ્ચિત થઈ છે, સાથે સાથે મહિલાઓના આત્મવિશ્વાસમાં પણ વધારો થયો છે. આ પહેલ સમાજમાં એક સકારાત્મક સંદેશ આપે છે કે સ્થાનિક સમુદાયના સહયોગથી શહેરના વિકાસમાં મહિલાઓ પણ સક્રિય ભૂમિકા ભજવી શકે છે.
