આ નિરીક્ષકો જિલ્લાના વિવિધ તાલુકાઓ અને શહેરોમાં જઈને સ્થાનિક કોંગ્રેસ કાર્યકર્તાઓ, અગ્રણીઓ અને આગેવાનો સાથે બેઠકો યોજશે. તેઓ કાર્યકર્તાઓના મંતવ્યો અને સૂચનોને ધ્યાનમાં રાખીને નવા પ્રમુખોની પસંદગી કરશે. આ પ્રક્રિયાનો મુખ્ય ઉદ્દેશ્ય સંગઠનમાં નવા અને યુવા ચહેરાઓને તક આપવાનો અને પક્ષને તળિયા સુધી મજબૂત બનાવવાનો છે.
આ "સંગઠન સૃજન અભિયાન" કાર્યક્રમ કોંગ્રેસ પક્ષ માટે ખૂબ જ મહત્વનો માનવામાં આવે છે, કારણ કે આગામી સમયમાં યોજાનારી સ્થાનિક સ્વરાજ્યની ચૂંટણીઓ અને અન્ય ચૂંટણીઓમાં આ નવ નિયુક્ત પ્રમુખોની ભૂમિકા અત્યંત મહત્વપૂર્ણ રહેશે. કોંગ્રેસના સ્થાનિક નેતાઓએ આશા વ્યક્ત કરી છે કે આ અભિયાન દ્વારા પક્ષને નવી દિશા મળશે અને સંગઠન વધુ ગતિશીલ બનશે.
