મુખ્યમંત્રી ભૂપેન્દ્રભાઈ પટેલ, નાણાંમંત્રી કનુભાઈ દેસાઈ અને શિક્ષણ મંત્રી કુબેરભાઈ ડીંડોરનો આ તકે હૃદયપૂર્વક આભાર વ્યક્ત કરવામાં આવ્યો છે. આ શાળાઓની મંજૂરી પાછળ સ્થાનિક ધારાસભ્ય પી.કે. પરમારની સતત રજૂઆતો અને પ્રયાસો મુખ્ય કારણભૂત રહ્યા છે. તેમની રજૂઆતને પગલે, સરકારે આ વિસ્તારના વિદ્યાર્થીઓના ભવિષ્યને ધ્યાનમાં રાખીને આ મહત્વપૂર્ણ નિર્ણય લીધો છે.
આ પ્રસંગે, ધારાસભ્ય પી.કે. પરમારે જણાવ્યું હતું કે, "આ વિસ્તારમાં શિક્ષણ એ વિકાસનો પાયાનો સ્તંભ છે, અને અમે સદૈવ પ્રતિબદ્ધ રહીશું કે દરેક ગામ સુધી, દરેક બાળક સુધી આ વ્યવસ્થાને પહોંચાડીએ. આ નવીન શાળાઓથી પાનવા અને ધામા સહિત આસપાસના ગામોના વિદ્યાર્થીઓને ઉચ્ચ શિક્ષણ માટે દૂર જવું નહીં પડે અને તેમને ઘરઆંગણે જ ગુણવત્તાયુક્ત શિક્ષણ પ્રાપ્ત થશે."
આ નિર્ણયથી સ્થાનિક લોકોમાં ખુશીનો માહોલ છે. વાલીઓએ સરકારના આ પગલાને આવકાર્યો છે અને આશા વ્યક્ત કરી છે કે આ શાળાઓથી તેમના બાળકોનું ભવિષ્ય ઉજ્જવળ બનશે. શિક્ષણ ક્ષેત્રે ગુજરાત સરકારની આ પ્રતિબદ્ધતા ખરેખર પ્રશંસનીય છે.
