આ સેવાકીય પ્રવૃત્તિ અંતર્ગત, ગામની તમામ શાળાઓના વિદ્યાર્થીઓ માટે ભુંગળા-બટેટા અને ફરાળી ચેવડાનું ભોજન પીરસવામાં આવ્યું હતું. આ સેવાકાર્યમાં ગામના સેવાભાવી યુવાનો મહેન્દ્રભાઈ પટેલ, અંકિતભાઈ શેઠ, હાર્દિકભાઈ અને હિતેશભાઈએ ઉત્સાહપૂર્વક સહયોગ આપ્યો હતો.
આ કાર્યક્રમનો લાભ સી.આર. ગાર્ડી વિદ્યામંદિર, સરકારી ઉચ્ચતર માધ્યમિક શાળા સરલા, પ્રાથમિક શાળા સરલા, ઉચ્ચ પ્રાથમિક શાળા સરલા, તથા ગોપીનાથ વિદ્યાલયના વિદ્યાર્થીઓએ લીધો હતો. આયોજન અને ભોજન વિતરણની સમગ્ર પ્રક્રિયા ખૂબ શિસ્તબદ્ધ અને સંવેદનશીલ રીતે સંભાળવામાં આવી હતી, જેનાથી બાળકોને શિસ્ત અને સંવેદનશીલતાનું ઉદાહરણ પૂરું પાડવામાં આવ્યું.
આ કાર્યક્રમને સફળ બનાવવા માટે શાળાના આચાર્યશ્રીઓ - શ્રી જયેશભાઈ (સી.આર. ગાર્ડી વિદ્યામંદિર), શ્રી વારિસભાઈ ભટ્ટા (સરકારી ઉચ્ચતર માધ્યમિક શાળા), શ્રી મુકેશભાઈ (ઉચ્ચ પ્રાથમિક શાળા), શ્રી મગનભાઈ (સરલા પે. સેન્ટર) અને શ્રી રસિકભાઈ (ગોપીનાથ વિદ્યાલય) - દ્વારા પણ માર્ગદર્શન અને સહકાર પૂરો પાડવામાં આવ્યો હતો.
આ પ્રકારના માનવતાના ભાવને ઉજાગર કરતા સેવાકીય કાર્યક્રમો સમાજમાં સંસ્કાર, સદભાવના અને સેવા ભાવના વિકસાવે છે, તેમજ ભાવિ પેઢી માટે પ્રેરણાસ્ત્રોત બની રહે છે. આ કાર્યક્રમ સમાજને એકતા અને સેવાભાવનો સંદેશો આપી ગયો.
