સુરેન્દ્રનગર જિલ્લાના પાણશીણા પોલીસ મથકમાં ફરજ બજાવતા ASI નીતિનદાન મોડ વયનિવૃત્ત થતા તેમનો વિદાય સમારંભ યોજવામાં આવ્યો હતો. આ પ્રસંગે લીંબડીના Dysp વી. એમ. રબારી સહિત સમગ્ર પોલીસ સ્ટાફ ઉપસ્થિત રહ્યો હતો. કાર્યક્રમ દરમિયાન ASI નીતિનદાન મોડે પોલીસ વિભાગમાં કરેલી તેમની નિષ્ઠાપૂર્વક સેવાઓની કદર કરવામાં આવી હતી. તેમની સેવાઓની સરાહના રૂપે, Dysp વી. એમ. રબારી અને અન્ય સ્ટાફ સભ્યો દ્વારા તેમને પ્રશંસાપત્ર અને મોમેન્ટો અર્પણ કરી સન્માનિત કરવામાં આવ્યા હતા. આ કાર્યક્રમમાં પોલીસ પરિવાર દ્વારા નીતિનદાન મોડને તેમના ભવિષ્યના જીવન માટે શુભેચ્છાઓ પાઠવવામાં આવી હતી.
