શહેરીજનોને અપીલ: મહાનગરપાલિકા વિસ્તારના તમામ નાગરિકોને અનુરોધ કરે છે કે તેઓ ગણપતિની મૂર્તિનું વિસર્જન માત્ર આ વિશેષ કુંડમાં જ કરે. અન્ય કોઈપણ જગ્યાએ વિસર્જન કરવાથી પર્યાવરણને નુકસાન પહોંચી શકે છે અને તેના પર પ્રતિબંધ છે. આ વ્યવસ્થા શહેરને સ્વચ્છ અને હરિયાળું રાખવા માટેનું એક મહત્વપૂર્ણ પગલું છે. કુંડનો ઉપયોગ: આ કુંડ આવતી કાલે તા. ૦૨ સપ્ટેમ્બર, ૨૦૨૫થી ગણેશ મહોત્સવ અંતર્ગત ગણપતિ વિસર્જન માટે ખુલ્લું મુકવામાં આવશે. વિસર્જનના સમયે સ્ટાફની હાજરીમાં તમામ વ્યવસ્થા કરવામાં આવશે, 
જેથી ભક્તોને કોઈ અસુવિધા ન પડે. મહાનગરપાલિકા દ્વારા આ વર્ષે ગણેશ મહોત્સવને વધુ આનંદમય અને પર્યાવરણ-મૈત્રીપૂર્ણ બનાવવા માટે પ્રયાસ કરવામાં આવી રહ્યા છે. શહેરવાસીઓને આ વ્યવસ્થાનો લાભ લેવા અને પર્યાવરણના રક્ષણમાં સહયોગ આપવા વિનંતી છે.
