ઇદ-એ-મિલાદ ઉન નબી ઇસ્લામના અંતિમ પયગંબર હઝરત મુહમ્મદ સાહેબના જન્મદિવસ નિમિત્તે, મુળી તાલુકાના સરા ગામે મુસ્લિમ સમાજ દ્વારા ભવ્ય જુલૂસનું આયોજન કરવામાં આવ્યું હતું. આ તહેવાર, જે 'બારાવફાત' તરીકે પણ ઓળખાય છે, રબીઉલ અવ્વલ મહિનાની 12મી તારીખે ઉજવવામાં આવે છે. જુલૂસમાં નાનાં બાળકોથી લઈને વડીલો સુધી સૌ ઉત્સાહભેર જોડાયા હતા. પયગંબરની શાનમાં નાત-શરીફ અને દુઆ પઢતા લોકો આલમ પકડતા સમગ્ર ગામમાં શાંતિપૂર્ણ રીતે ફર્યા હતા. આ પ્રસંગે સહભાગીઓએ પયગંબર સાહેબના કરુણા, ભાઈચારો અને સત્યના સંદેશને જીવનમાં ઉતારવા અપીલ કરી હતી.
