આ કૂવાઓથી થતા ગંભીર જોખમો અને ગેરકાયદેસર પ્રવૃત્તિને ડામવા માટે, જપ્ત કરાયેલા તમામ ગેરકાયદેસર કોલસાના કૂવાઓનું બુરાણ કરવાની કાર્યવાહી તારીખ ૦૫/૧૨/૨૦૨૫ ના રોજ વહેલી સવારથી શરૂ કરવામાં આવી હતી. આ કામગીરી માટે બે (૨) લોડર મશીન ની મદદ લેવામાં આવી હતી.તા.૦૭/૧૨/૨૦૨૫ ના રોજ બુરાણ કામગીરીના ત્રીજા દિવસે, નાયબ કલેક્ટર એચ.ટી. મકવાણાની દેખરેખ હેઠળ અત્યાર સુધીમાં ૧૭ (સત્તર) ગેરકાયદેસર કોલસાના કૂવાનું બુરાણ સફળતાપૂર્વક કરવામાં આવ્યું છે. ત્યારે તંત્ર દ્વારા સ્પષ્ટ કરવામાં આવ્યું છે કે જ્યાં સુધી તમામ બાકી રહેલા કોલસાના કૂવાનું બુરાણ પૂર્ણ ન થાય ત્યાં સુધી આ કાર્યવાહી સતત ચાલુ રહેશે. ગેરકાયદેસર ખનન પ્રવૃત્તિઓ સામે જિલ્લા વહીવટી તંત્રની આ સખત કાર્યવાહીથી જમીન માફિયાઓમાં ફફડાટ વ્યાપી ગયો છે.
