આ પહેલ અંતર્ગત મુસાફરો માટે ડિજિટલ પેમેન્ટ, ટ્રાવેલ કાર્ડ અને વોટ્સએપ આધારિત ટિકિટ બુકિંગ જેવી અનેક સુવિધાઓ ઉપલબ્ધ કરવામાં આવી છે, જે પરિવહન વ્યવસ્થાને વધુ કાર્યક્ષમ અને સરળ બનાવશે.
મુસાફરો હવે વોટ્સએપ દ્વારા ટિકિટ બુક કરી શકે છે, જેમાં તેઓ તેમના ફોનમાં +91 95105 01751 નંબર સેવ કરીને “Hi” મોકલીને સૂચનાઓ અનુસરી તાત્કાલિક ટિકિટ મેળવી શકે છે. આ ઉપરાંત, ગૂગલ પ્લે સ્ટોર પરથી KATCH એપ ડાઉનલોડ કરીને રૂટ અને સીટ પસંદ કરી બુકિંગ કન્ફર્મ કરી શકાય છે. બસમાં ઓનબોર્ડ પેમેન્ટ માટે QR કોડ સ્કેન કરીને UPI દ્વારા સીધી ચૂકવણી કરવાની સુવિધા પણ છે, જે રોકડ વ્યવહારોને ઘટાડશે અને બોર્ડિંગ સમયને ટૂંકાવશે.
ટ્રાવેલ કાર્ડની વાત કરીએ તો, તેને સિટી બસ ઓફિસમાંથી મેળવી શકાય છે અને તેને રિચાર્જ કરવા માટે KATCH એપનો ઉપયોગ કરીને UPI, ડેબિટ/ક્રેડિટ કાર્ડ અથવા નેટ બેન્કિંગના વિકલ્પો ઉપલબ્ધ છે. આ કાર્ડનો ઉપયોગ કરીને દરેક ટિકિટ બુકિંગ પર 20% કેશબેક મેળવી શકાય છે, જે મુસાફરો માટે વધારાનો લાભ છે.
આ પહેલમાં અન્ય મહત્વપૂર્ણ સુવિધાઓમાં રિયલ-ટાઇમ બસ ટ્રેકિંગનો સમાવેશ થાય છે, જેમાં KATCH એપ દ્વારા બસનું લાઇવ લોકેશન જાણી શકાય છે. તેમજ, વોટ્સએપ અથવા KATCH એપ દ્વારા અગાઉથી ટિકિટ બુક કરવાની એડવાન્સ બુકિંગ સુવિધા પણ છે. KATCH મોબિલિટીના સહયોગથી આ તમામ સુવિધાઓ સુરેન્દ્રનગરના જાહેર પરિવહનને વધુ સ્માર્ટ, ઝડપી અને મુસાફરમિત્ર બનાવવા માટે મહત્વપૂર્ણ છે, જે શહેરની પરિવહન વ્યવસ્થાને આધુનિકતાના પગલે આગળ વધારશે.
